Netverslanir
Góð netverslun selur, en hún á líka að spara þér tíma. Við smíðum netverslanir þar sem pantanir, greiðslur, reikningar og lagerstaða vinna saman frá fyrsta degi.
Í hnotskurn
Allt sem þarf til að verslunin selji og reksturinn gangi snurðulaust.
Uppbygging og síur sem hjálpa fólki að finna réttu vöruna, líka í síma.
Uppsetning á íslenskri greiðslugátt, sendingarmátum og einfaldri afgreiðslu.
Rétt virðisaukaskattsþrep á vörum og skýrir skilmálar og upplýsingar um seljanda.
Pantanir, reikningar og lagerstaða samstillt við DK, Reglu eða Payday.
Google Analytics (GA4) og sölumælingar (e. conversion tracking) svo þú sjáir hvaðan salan kemur.
Við kennum þér að setja inn vörur, afgreiða pantanir og sjá um tilboð.
Við byrjum á flæðinu á bak við pöntunina, ekki á forsíðunni.
Hvaðan koma vörur, verð og lager? Hvert fara pantanir og reikningar? Við teiknum flæðið upp með þér.
Vörusíður, karfa og greiðsluferli hönnuð fyrir síma fyrst og prófuð áður en smíði hefst.
Verslunin, greiðslugáttin og bókhaldstengingin smíðaðar og prófaðar með prufupöntunum.
Við fylgjumst með fyrstu pöntunum, lögum það sem þarf og förum yfir sölutölur með þér.
Verkefni þar sem þessi þjónusta var hluti af lausninni.
Öll verkefniLausnAlmenn lausn, enginn tiltekinn viðskiptavinur
Netverslun sem talar ekki við bókhaldið býr til handavinnu og villur. Hér lýsum við hvernig við byggjum tengingu milli WooCommerce og DK, Reglu eða Payday sem býr til hvern reikning einu sinni, heldur birgðum réttum og lætur vita þegar eitthvað bregst.
WooCommerce er traustur grunnur fyrir flestar netverslanir og tengist vel innlendum kerfum.
Kostnaðurinn ræðst af fjölda vara og vöruafbrigða, hvort flytja þarf gögn úr eldri verslun, hvaða greiðslugátt og sendingarmáta á að nota og hvort tengja á verslunina við bókhald. Mánaðarlegur rekstrarkostnaður (hýsing, greiðslugátt, viðbætur) er sundurliðaður sérstaklega í tilboðinu. Þannig sérðu heildarmyndina.
Netverslun með tengingu við bókhald tekur oft 8–16 vikur, eftir vöruúrvali, greiðsluleiðum og tengingum. Í tilboðinu færðu tímaáætlun með áföngum.
Við vinnum aðallega með WooCommerce, því það gefur þér fullt vald yfir gögnum og hönnun og tengist vel við íslensk bókhaldskerfi og greiðslugáttir. Shopify getur hentað verslunum sem vilja sem minnstan tæknirekstur, en mánaðargjöld og viðbætur safnast upp. Ef Shopify hentar þér betur segjum við það.
Teya, Rapyd og Straumur bjóða öll upp á tengingar við WooCommerce. Valið fer oft eftir því hvar fyrirtækið er nú þegar með færsluhirðingu og hvaða kjör bjóðast. Við setjum gáttina upp og prófum greiðslur, endurgreiðslur og kvittanir áður en verslunin opnar.
Pantanir geta farið sjálfkrafa sem reikningar í DK, Reglu eða Payday, og lagerstaða og verð samstillst til baka á vefinn þar sem bókhaldskerfið heldur utan um lager. Hvaða gögn fara hvert, og hversu oft, ákveðum við saman í kortlagningunni. Nánar um þetta á síðunni um samþættingar.
Hver vara fær rétt skattþrep, almennt 24% eða lægra þrepið 11% þar sem það á við, og verð birtast með VSK. Ef þú selur til útlanda þarf að skoða sérstaklega hvaða reglur gilda. Þar mælum við með að þú fáir staðfestingu frá endurskoðanda.
Netverslun þarf hraða og örugga hýsingu með afritum. Hún getur verið hjá Gagnaveri, sem er rekið af sama félagi og Íslandsvefir.
Segðu okkur hvað þú selur og hvaða kerfi þú notar. Við förum yfir það með þér og stingum upp á næstu skrefum.
