Leitarvélabestun
Fólk sem leitar að því sem þú selur er oft komið langt í kaupferlinu. Með SEO-þjónustunni okkar sjáum við til þess að vefurinn þinn sé tæknilega traustur, hraður og með efni sem svarar spurningum fólks.
Í hnotskurn
Leitarvélabestun skiptist í þrennt: tæknina, efnið og mælingarnar. Við sinnum öllu þrennu.
Skráning, vefkort, tilvísanir, tvítekið efni, aðalslóðir (canonical) og villur sem hindra Google.
Mælingar og lagfæringar á Core Web Vitals, mælikvörðum Google á upplifun: hleðslutíma, stöðugleika og svörun, sérstaklega í síma.
Hvað fólk slær inn, í hvaða beygingarmyndum og hvaða síða á að svara hverju.
Titlar, lýsingar og texti sem svarar spurningum, ásamt tillögum að nýju efni.
Schema.org-merkingar svo leitarvélar og gervigreindarleit skilji hvað síðan fjallar um.
Search Console og Google Analytics (GA4) sett upp rétt, og stutt yfirlit yfir hvað breyttist og hvers vegna.
Fyrst lögum við það sem hindrar, svo byggjum við upp það sem vantar.
Við förum yfir tæknilega stöðu, núverandi umferð og hvar samkeppnin stendur.
Þú færð lista yfir aðgerðir, raðaðar eftir áhrifum og fyrirhöfn, svo stærstu atriðin komi fyrst.
Við lögum tæknina, endurskrifum titla og lýsingar og vinnum nýtt efni með þér.
Við fylgjumst með röðun í leitarniðurstöðum, umferð og fyrirspurnum og stillum af eftir þörfum.
Verkefni þar sem þessi þjónusta var hluti af lausninni.
Öll verkefniEigið verkefniGagnaver
Gagnaver vildi hætta að tala bara við tæknifólk. Við hönnuðum og smíðuðum vef sem leiðir fólk að réttri hýsingu með fjórum spurningum á mannamáli, á íslensku eða ensku, þar sem efnissíður senda ekkert JavaScript.
Eigið verkefniÍslandsvefir
Vefur sem selur vefsmíði er sjálfur sýnishorn. Gamli vefurinn okkar var hálfkláraður og sagði ekki satt um það sem við gerum. Við endursmíðuðum hann frá grunni og gerðum gæðakröfurnar að hluta af smíðinni sjálfri.
Mælingar byggja á gögnum frá Google sjálfu, ekki ágiskunum.
Leitarvélabestun (SEO) er vinna sem hjálpar leitarvélum að finna, skilja og treysta vefnum þínum, svo hann birtist þegar fólk leitar að því sem þú býður. Hún snýst um tæknilega uppbyggingu, hraða, efni sem svarar spurningum og tengla frá öðrum vefjum.
Það er engin ein brella. Vefurinn þarf að vera tæknilega aðgengilegur leitarvélum, hraður í síma og með efni sem svarar því sem fólk leitar að betur en aðrar síður gera. Tenglar frá traustum vefjum hjálpa líka. Við byrjum á úttekt sem sýnir hvað heldur vefnum niðri og hvað skilar mestu, en enginn getur lofað fyrsta sætinu af heiðarleika.
Já. Á WordPress-vefjum og WooCommerce-netverslunum skoðum við meðal annars þemu og viðbætur sem hægja á vefnum, vöru- og flokkasíður sem keppa um sömu leitarorð og skipulögð gögn fyrir vörur. Lagfæringarnar eru gerðar í kóðanum og stillingunum, ekki bara með viðbót.
Tæknilegar lagfæringar geta skilað sér fljótt, en efni og traust byggjast upp yfir lengri tíma. Hraðinn fer eftir samkeppninni um leitarorðin, aldri og stöðu vefsins og hversu mikið er gert. Við setjum upp mælingar strax svo þú sjáir þróunina frá fyrsta degi.
Kostnaðurinn ræðst af stærð vefsins, tæknilegri stöðu hans og því hvort þú vilt staka úttekt og lagfæringar eða áframhaldandi vinnu með efni og mælingum. Við byrjum oft á úttekt, svo þú sjáir hvað þarf áður en þú skuldbindur þig til lengri tíma.
Já. Íslenska beygist, og fólk leitar bæði með og án íslenskra stafa, til dæmis „vefsíðugerð“ og „vefsidugerd“. Við greinum hvaða myndir fólk notar og fléttum þær eðlilega inn í fyrirsagnir og texta, án þess að textinn verði stirður.
Auglýsingar skila umferð á meðan þú borgar, en lífræn (ókeypis) leit heldur áfram að skila þegar vefurinn hefur náð góðri stöðu. Flest fyrirtæki hafa gagn af hvoru tveggja, og gögn úr auglýsingum sýna oft hvaða leitarorð er vert að vinna með í lífrænni leit.
Í Google Search Console sérðu birtingar, smelli og röðun í leitarniðurstöðum fyrir hvert leitarorð, og í GA4 hvað fólk gerir eftir að það kemur inn á vefinn. Við setjum hvort tveggja upp og förum reglulega yfir tölurnar með þér á mannamáli.
Sendu okkur slóðina og segðu hvað þú vilt að fólk finni. Við förum yfir stöðuna og svörum með næstu skrefum.
